«Техномарт» йирик савдо тармоғининг етказиб берувчилари OZ PLANET рақамли платформасида онлайн форматда факторингдан фойдаланиш имкониятига эга бўлди. 2024-йил ноябр ойида «Техномарт» компанияси OZ PLANET платформасида рўйхатдан ўтди ва аллақачон платформа факторларидан биридан лимит олди.
Шу туфайли савдо тармоғининг етказиб берувчилари энди факторинг молиялаштиришини олишда устунликка эга: «Техномарт» тармоғи билан етказиб бериш бўйича шартномага эга бўлган етказиб берувчилар қўшимча текширувларсиз тезда молиялаштириш оладилар.
Бир томондан, етказиб берувчи компаниялар касса узилишларига йўл қўймайди ва йирик харидорга узлуксиз етказиб беришни таъминлайди, «Техномарт» эса, ўз навбатида, етказиб берувчиларни йўқотмайди ва маҳсулот ассортиментини ўз вақтида тўлдиради.

«Техномарт» савдо тармоғи 2008-йилда ташкил этилган бўлиб, Ўзбекистонда маиший техника ва электроника савдосига ихтисослашган. «Техномарт» учта форматдаги дўконларга эга: Мини, Стандард ва Эхтра. Улар майдони, жойлашуви ва товарлар ассортиментига кўра фарқланади.
Компания мактабларни компютерлар билан жиҳозлаш, болалар учун турли тўгаракларда ўқиш сертификатлари ва лагерга йўлланмалар, қон донорлиги, хайрия югуриш мусобақаларида иштирок этиш каби мамлакатдаги ижтимоий аҳамиятга эга лойиҳаларда иштирок этади, шунингдек, ўзининг ижтимоий ташаббусларини амалга оширади.

Барча нашрлар