
2024-йил 12-августда Ўзбекистон Республикаси Президентининг “Факторинг хизматлари бозорини жадал ривожлантириш чора-тадбирлари тўғрисида”ги ПФ-109-сон қарори қабул қилинди.
Ҳужжатга кўра, факторингни молиялаштириш соҳасидаги хизматлар эндиликда нафақат банклар, балки факторинг ташкилотлари томонидан ҳам кўрсатилиши мумкин (уларни Марказий банкда рўйхатдан ўтказиш ва нобанк кредит ташкилоти сифатида реестрга киритиш шарти билан).
Бундан ташқари, 2025 йил 1 январдан бошлаб қуйидагиларга рухсат берилади:
- норезидентлар билан чет эл валютасида факторинг операцияларини амалга ошириш;
- факторинг шартномалари (рефакторинг) бўйича сотиб олинган пул талабларини қайта сотиш;
ва шунингдек:
- пул талабини бошқа шахсга ўтказишни тақиқлашни бузганлик учун жавобгарлик бекор қилинади;
- пул талабини бошқа шахсга ўтказиш тўғрисидаги билдиришномалар гаров реестрида рўйхатга олинади;
- қарздорнинг розилигисиз пул мажбуриятининг валютасини ва тўлов мамлакатини ўзгартириш мумкин бўлмайди.
Шунингдек, профессионал ҳамжамиятни ривожлантириш, факторингни оммалаштириш ва ривожлантириш, халқаро факторингни жорий этиш бўйича қатор чора-тадбирларни амалга ошириш режалаштирилган. Фармонда электрон факторингни ривожлантиришга алоҳида эътибор қаратилди – Президент Марказий банкнинг Факторинг хизматларининг электрон платформасини жорий этиш тўғрисидаги таклифини маъқуллади.


